 |
| Image - Internationalbanker.com |
உலக சந்தையில் தங்கத்தின் விலையில் இன்று (15) மீண்டும் அதிகரிப்பு காணப்பட்டது. ஒரு அவுன்ஸ் தங்கத்தின் விலை 1915 அமெரிக்க டாலர்கள் 09 சென்ட்களாகப் பதிவாகியுள்ளது.
சீனாவின் பொருளாதார மீட்சிக்கான அறிகுறிகள் உலக சந்தையில் தங்கத்தின் விலை உயர்வில் தாக்கத்தை ஏற்படுத்தியுள்ளதாகச் சந்தை ஆய்வாளர்கள் சுட்டிக்காட்டுகின்றனர் (உலகிலேயே தங்கத்தின் மிகப்பெரிய நுகர்வோர் சீனா).
சீனாவின் தொழிற்சாலை உற்பத்தி மற்றும் சில்லறை விற்பனையும் ஆகஸ்ட் மாதத்தில் எதிர்பார்த்ததை விட அதிகமாக இருப்பதாக நேற்று தெரிவிக்கப்பட்டது.
மேலும், அமெரிக்க டாலருக்கு நிகரான சீன யுவான் இரண்டு வார உச்சத்தை எட்டியது. இதனால் தங்கத்தின் தேவை அதிகரிக்கும் போக்கு தங்கம் விலை உயர்வில் பாதிப்பை ஏற்படுத்தியுள்ளதாகக் கூறப்படுகிறது.
அத்தோடு யுவானுக்கு நிகரான டாலரின் மதிப்பு குறைந்ததால் தங்கத்தின் மீதான முதலீட்டாளர்களின் ஈர்ப்பு அதிகரித்துள்ளது.
ஏனென்றால் தங்கத்தின் விலை டாலரில் குறிக்கப்படுகிறது.
இந்தப் போக்கின் அடிப்படையில் உலக சந்தையில் தங்கம் மட்டுமின்றி வெள்ளி, பிளாட்டினம், பல்லேடியம் போன்ற விலையுயர்ந்த உலோகங்களின் விலையும் கணிசமாக உயர்ந்துள்ளது.
இருப்பினும் பணவீக்கத்தை கட்டுப்படுத்தும் நடவடிக்கையாக அமெரிக்கா மீண்டும் வட்டி விகிதத்தை உயர்த்தினால் தங்கம் விலை குறைய வாய்ப்பு உள்ளதாக ஆய்வாளர்கள் கூறுகின்றனர்.